Samantekt

Hér að framan hefur verið stiklað á stóru varðandi niðurstöður úr söfnuninni. Niðurstöður eru í sjálfu sér eins og við er að búast, loðna er langmikilvægasta fæðan, einkum á tímabilinu október-nóvember til mars en um sumartímann er síli talsvert áberandi. Lítið er um kolmunna nema hjá Bergey en það er líka eina skipið sem er djúpt út af suður og suðausturlandi á þeim tíma þegar búast má við kolmunna þar. Talsvert er einnig af síld en þar er um að ræða frekar fáa fiska með mikið magn í maga. Dæmi voru um að síldarhausar fundust í mögum þorska sem veiddust rétt hjá skipum sem flaka síld um borð en þau sýni voru skráð sem ???.

Þorskur sem er í loðnu virðist hafa mikið meiri fæðu í maga en annar þorskur og gildir þetta einkum þegar loðnan er komin í hrygningarástand og er væntanlega auðveld bráð. Eins og minnst var á í inngangi þarf að taka tillit til þess að meltingarhraði eykst með hitastigi og að stórar máltíðir endast lengur í maga þegar verið er að yfirfæra magainnihald í át. Eins og þar kom fram er oft miðað við að meltingarhraði aukist um 10% fyrir hverja gráðu og að meltingarhraði sé $\propto$ $M^{0.5}$ (eða $M^{\frac{2}{3}}$ þar sem $M$ er magainnihald. Í samantektum þeim sem hér hafa verið gerðar er oft litið á meðalmagafylli. Ef litið er á dreifingu magafylli (mynd 48 og mynd 49) sést að dreifing sýnanna er yfirleitt þannig að megnið af fiskunum er með litla fæðu í maga (talsvert margir tómir) en nokkrir með mjög mikið magn. Með svona skakkar dreifingar er notkun á beinu meðaltali eins og hér er notað frekar vafasöm og etv. eðlilegra að breyta magainnihaldi í ``át'' með einhverju meltingarhraðalíkani eða nota einhverja þá tölfræðigreiningu sem hentar betur eiginleikum gagnanna.

Niðurstöður benda til að þegar hrygningarloðnan er gengin hjá sé víðast mjög lítil fæða í 1 - 2 mánuði en svo aukist hún aftur. Hins vegar er fæðumagn í mögum að sumri yfirleitt mun minna en á veturna (tafla 16) þegar þorskurinn er í loðnu. Þó ber að hafa í huga að þorskur sem er að éta loðnu fyrir norðan land er yfirleitt í mun kaldari sjó en t.d þorskur sem er að éta sandsíli þ.a meltingarhraði gæti verið mun minni.

tmp	jan	feb	mar	apr	maí	jún	júl	ág	sept	okt	nóv	des
Magafylli prósent	0.7	1.2	1.9	1.2	0.4	0.4	0.7	0.7	0.8	0.8	1.3	1.6
Prósent tómra	23.5	25.3	37.0	34.0	35.1	27.7	16.5	15.6	17.2	13.5	12.9	14.3

Tafla 16 sýnir meðalmagafylli eftir veiðarfærum og einnig eftir veiðarfærum og árstíma skipt í sumar (apríl - september) og vetur (nóvember - mars). Sést að minnst er í mögum þeirra fiska sem veiðast á línu og handfæri en í önnur veiðarfæri og er einkum lítið í fiski sem veiðist á línu. Þetta kemur ekki á óvart en gott er að muna að aðeins er byggt á einum línubáti og einum handfærabáti sem veiða á afmörkuðu svæði. Sé litið á hlutfall (alveg) tómra maga skera krókaveiðarfærin sig ekki úr og það er í netin sem fiskur með tóma maga virðist fást og tengist það væntanlega því að hann er að hrygna og hefur því um nóg annað að hugsa en að éta. Hins vegar fæst einnig fiskur í netin sem er troðin af hrygnandi loðnu þ.a meðalmagafylli verður nokkuð mikil.

Table: Magafylli í prósentum og hlutfall tómra maga eftir veiðarfæri og árstíð

tmp1	Lína	Net	Handfæri	Dragnót	Botnvarpa
magafylli vetur	0.26	1.10		1.28	1.39
magafylli sumar	0.26	0.89	0.50	0.74	0.78
magafylli heild	0.26	1.03	0.50	1.16	1.16
Prósent tómra vetur	23.53	36.79		7.89	14.12
Prósent tómra sumar	20.73	34.62	13.82	7.87	23.05
Prósent tómra heild	21.80	36.12	13.82	7.88	17.55

Sjálfrán kemur lítið fram í þeim sýnum sem greind hafa verið en búast má við að það sé mest áberandi hjá handfærabátum að hausti en tiltölulega lítið hefur verið greint af handfærasýnum.

Rækja er mjög lítið áberandi í þeim sýnum sem hefur verið safnað miðað við það sem sést í magasýnum sem safnað hefur verið af Hafrannsóknastofnuninni. (1.2% á móti 6.7%) og rétt skríður inn á topp 10 listann (mynd 47). Skýrist þetta aðallega af því hvar sýnin eru tekin en mjög lítið er veitt af þorski á uppeldisslóðum hans fyrir norðan land en á þeim svæðum er rækja mikilvæg fæða.

Enn eru hlutfallslega fá sýni greind yfir sumartímann. Eitthvað er enn ógreint þó ljóst að dekka þarf tímabilið apríl-september betur enda fæða þorsks á þeim tíma mjög ólík því sem er að vetri.

Figure: Dreifing magafylli í öllum sýnum sem hafa verið greind

Figure: Dreifing magafylli (boxplot) í öllum sýnum sem hafa verið greind

Figure: Magafylli af loðnu í öllum sýnum sem hafa verið greind. . Stærsti hringurinn svarar til þess að magn loðnu í maga sé 23 % af þyngd ránfisksins

Figure: Magafylli af síli í öllum sýnum sem hafa verið greind Stærsti hringurinn svarar til þess að magn sílis í maga sé 14% af þyngd ránfisksins. Jafnstórir hringir tákna sama magn og í mynd 55

Figure: Magafylli af ljósátu í öllum sýnum sem hafa verið greind. Stærsti hringurinn svarar til þess að magn ljósátu í maga sé 6% af þyngd ránfisksins.

Figure: Magafylli af kolmunna í öllum sýnum sem hafa verið greind. Stærsti hringurinn svarar til þess að magn kolmunna í maga sé 10% af þyngd ránfisksins.

Figure: Fjöldi þorska í öllum sýnum sem hafa verið greind. Fjöldinn er annaðhvort 0, 1 eða 2.

Figure: Fjöldi ýsa í öllum sýnum sem hafa verið greind. Mesti fjöldi er 37.

Figure: Magafylli af síld í öllum sýnum sem hafa verið greind. Stærsti hringurinn svarar til þess að magn kolmunna í maga sé 20% af þyngd ránfisksins.

Figure: Lengdardreifing loðnu úr öllum fæðusýnunum.

Figure: Lengdardreifing sílis úr öllum fæðusýnunum.

Figure: Lengdardreifing síldar úr öllum fæðusýnunum.